Nú er Naskur loksins kominn á skeifur.
En Naskur er hesturinn sem ég sit mest hér í sveitinni.
Við Afi vorum að járna hann og nú var ég að koma inn úr útreiðartúr.
Svo ætla ég í annan túr í kvöld með Sigurjónu.
Takk í bili meira blogg á morgun.

Jæja þetta gengur bara alls ekki hvað ég blogga lítið
En nú skal verða gerð breiting á því svo ég er í sveitinni og er nýbúinn að byrja á að taka til í hesthúsunum . Ég er ekki búinn að blogga í um eitt
 ár takk fyrir, en núna er þetta komið gott svo bless bless í bili

Já hvernig er það með mig ha? Ég blogga alveg hrikalega lítið! Stundum hef ég bara ekkert að segja.
En burt séð frá því. 
Nú kemur bloggið. Fyrir viku var ég hjá pabba í Reykjavík og við gerðum margt skemmtilegt saman.
t.d. Fórum í fjallgöngu á Esjuna og amma mín kom með
(Hún á bloggsíðuna tumsa.blogcentral.is) 
og bróðir hennar Einar.
Öll komumst við á toppinn en Þóra fósturmamma mín átti í smá erfiðleikum
hún er svo svakalega lofthrædd.
En það hafðist á endanum.

þeir sem fóru á Esjuna:
Ég, pabbi, Þóra fósturmamma, amma og Einar bróðir ömmu og Bryndís mágkona ömmu.
Bless í bili meira blogg síðar  

Já aftur var ég að koma úr fjárhúsinu
 og núna sá ég þennan heilmikla læk. strákurinn í grænu buxunum er ég.


og þetta brúna sem er eins og lækur er lækur!
Já þetta er skrítið haldið þið að helvítis
  þakið hafi ekki verið farið að leka!
bless í bili meira blogg síðar.

  Kindin sem ég sagði frá í gær heitir Ása. 
En þegar ég kom í fjárhúsið í morgun vitiði hvað ég sá? þetta!        



 Já þarna var Ása að leyfa lambinu sínu að fá sér að drekka á meðan að hún sleikti dindilinn á henni! Já þetta fannst okkur skrítið miðað við það sem hún gerði í nótt. En þetta var gott því að í nótt þá stangaði hún það bara.
Jæja þetta er orðið gott í bili svo, bæ í bili meira blogg síðar!

Var að koma úr fjárhúsunum og klukkan er 33 mínútur yfir 11 að kvöldi allt gekk bara merkilega vel en það var ein heimsk kind sem var að bera og hún bara stangaði lambið sitt hvað eftir annað af örugglega tilhugsun sem þessari: þetta er ekki lambið mitt! Farðu til þinnar egin mömmu! Við amma töldum hana stressaða af því að við vorum miklu ókunnugri í hennar augum. Jæja verð að fara að sofa,bless bless í bili meira blogg síðar.

Já langt er síðan ég bloggaði en nú verður það bætt upp!
Hef ekkert nennt þessu upp á síðkastið
Jæja ég var veikur í 2 daga t.d. í gær og í fyrra dag en nú er ég kominn í sveitina og fylgist með sauðburðnum með ömmu og afa en nú er þetta nóg í bili svo bless í bili!

Jæja nú er ég í sveitinni og í fyrradag fór ég upp á Þeistareyki og gisti þar í 2 nætur svo tíndi ég fjallagrös á næturnar.

en nú erum við komin heim í sveitinna og svo förum við á ættarmót á Húnavöllum á morgun og sofum í tjaldi.
   En nú hef ég ekki meira að segja takk í bili meira síðar  :   :þ

Jæja nú er ég búinn að vera í Reykjavík hjá pabba og Þóru í 9 daga. Og ég er sko ekkert á leiðinni heim. Fer ekki aftur til mömmu fyrr en 25.júlí takk fyrir. Við erum búin að bralla heilmikið saman. Á 17.júní fórum við til Hafnarfjarðar á Víðistaðatúnið. Það var rosalega gaman. Ég fékk að fara í leiktæki sem hét Hringavitleysa. Þá stóð maður inn í svona hring, festur niður með öryggisbelti og fæturnir voru líka festir niður í einskonar ístöðum. Svo voru margir stórir hringir utan um litla hringinn sem ég var festur í og einhver strákur sem stóð þarna hjá og snéri öllu saman. Ég skrækti eins og ég lifandi gat, sérstaklega þegar ég var kominn á hvolf. Pabbi ætlaði alveg að verða vitlaus úr hlátri og ekki var Þóra neitt skárri...hefði verið gaman að sjá þau í þessu tæki. Sérstaklega Þóru, því hún er svo skelfilega lofthrædd Veðrið var mjög gott, 19 stiga hiti og smá vindur. Ég er búinn að vera duglegur að vera úti og leika mér, kíkja á leikvellina og fótboltavellina hérna í hverfinu. Enda er ég orðinn sólbrúnn og sætur. Í dag kíkti ég með Þóru heim til Berglindar vinkonu hennar...eða sko heim til mömmu hennar. Þar hitti ég Andreu Rut sem er dóttir Berglindar og er 7 ára, Samúel Kristinn og Aron Helga sem eru litlu bræður Berglindar og eru 9 og 7 ára. Við vorum öll út í garði að leika okkur. Samúel og Aron eiga nefnilega kofa í garðinum og þar var ekki leiðinlegt að vera. Þóra fór heim klukkan hálf tvö en ég fékk að vera eftir og leika áfram við krakkana. Kom ekki heim fyrr en klukkan sex. Ég má fara aftur á morgun, þau búa nefnilega í Heiðarási, sem er bara rétt fyrir ofan pabba og Þóru, en þau búa í Dísarási. Jæja nú er ég að fara að horfa á eina teiknimynd áður en ég fer að sofa. Kv Jakob.

Gleymdi víst að segja ykkur að allt frá bloggi númer 5. gerðist í sveitinni + að í gær fór ég í plast sundlaug með stelpu á næsta bæ  sem heitir Sigurjóna hún er sjö ára að verða átta ára en þetta er orðið gott í bili meira blogg síðar

Amma tók þátt í kvennahlaupi ísí
tíhí

Við Sproti að þrífa krossarann minn í vor. Krossarinn er heima núna.

Gleymdi lykilorðinu í mjööög langan tíma en ég er löööööngu hættur með hita meira blogg síðar